Latest News
news img

केंद्रिय मंत्री प्रतिक पाटील यांच्या भगिनी डॉ. मधु पाटील यांचे निधन

news img

नेणवली शाळेत सैनिक आपल्या भेटीला उपक्रम; विद्यार्थ्यांनी साधला संवाद

मसुर मध्ये तिरंगा रॅली

वातावरणीय बदलांमुळे आजार बळावले, सर्दी, ताप, खोकला, अंगदुखी, पोटदुखीने नागरिक त्रस्त

news img

देवळाली भुसावळ पॅसेंजर सुरू करण्याच्या निर्णयाचे स्वागत पण वेळ पूर्वीचाच ठेवावा.

...
विनायक मेटेंचे अपघातात निधन; उदयनराजे रूग्णालयात

सातारा: सातारचे भाजपचे खासदार छत्रपती शिवाजी महाराजांचे वंशज उदयनराजे भोसले विनायक मेटे यांना भेटण्यासाठी रुग्णालयात पोहचले तेव्हा त्यांनी माध्यमांना भाऊक होऊन सांगितले समाजासाठी काम करणारा नेता हारपला. आधिक माहिती अशी की,शिवसंग्राम संघटनेचे अध्यक्ष विनायक मेटे यांच्या गाडीचा मुंबई-पुणे एक्सप्रेसवर अपघात झाला. यानंतर त्यांना उपचारासाठी रुग्णालयात दाखल करण्यात आलं होतं. मात्र, उपचारादरम्यान विनायक मेटे यांचं निधन झालं. मात्र, या अपघातानंतर जवळपास १ तास विनायक मेटे यांना मदत मिळाली नसल्याची धक्कादायक माहिती आता समोर आली आहे.यावेळी मेटे यांचे सहकारी एकनाथ कदम हे देखील त्यांच्यासोबत होते. त्यांनी या अपघाताबद्दल बोलताना सांगितलं, की एका ट्रकने कट मारल्याने बीडकडून मुंबईकडे येताना मुंबई-पुणे एक्सप्रेसवर हा अपघात झाला. अपघातानंतर एक तास मदत मिळाली नाही. यानंतर १०० नंबरवर अनेकदा फोन केला. मात्र या नंबरवरील फोनही उचलला गेला नाही. मदतीसाठी अनेकदा कदम विनवणी करत होते. मात्र, कोणीही गाडी थांबवली नाही,अशी माहिती कदम यांनी दिली आहे. परंतु विनायक मेटे यांच्या ड्रायव्हर ने लेन मधून गाडी दुसऱ्या लेनमध्ये घेतल्याने अपघात झाल्याचे प्रथम दर्शनी समजते आहे.

Read more...
आ.जयकुमार गोरेंना जामीन मंजुर
महाराष्ट्र :आ.जयकुमार गोरेंना जामीन मंजुर

सातारा: मायणी  येथील मृत व्यक्तीची बनावट कागदपत्रे तयार करून फसवणूक केल्याप्रकरणी जयकुमार गोरेंना जामीन मंजूर आधिक माहिती अशी की,मायणी येथील  मृत भिसे यांची बोगस कागदपत्रे तयार करून फसवणूक केल्याप्रकरणी जयकुमार गोरे, दत्तात्रय कोंडिबा घुटुगडे रा. विरळी, ता. माण महेश पोपट बोराटे रा. बिदाल, ता. माण व अज्ञात दोघांवर दहिवडी पोलिस ठाण्‍यात गुन्हा दाखल झाला आहे. याबाबत महादेव पिराजी भिसे यांनी तक्रार दिली होती त्यानंतर वडुज येथील सत्र न्यायालयाने त्यांचा जामीन अर्ज फेटाळल्यावर आमदार गोरेंच्या वतीने उच्च न्यायालयात अर्ज दाखल केला होता. त्यावर सुनावणी घेताना आमदार गारेंना अटकेपासून संरक्षण दिले होते. पण तेथेही जामीन अर्ज फेटाळल्याने त्यांनी सर्वोच्च न्यायालयात धाव घेतली होती. सर्वोच्च न्यायालयाने आमदार गोरेंना अटकेपासून दिलासा देत त्यांना जिल्हा व सत्र न्यायालयात शरण येत तेथेच जामीन घेण्याचे आदेश दिले होते. त्यानुसार आमदार जयकुमार गोरे हे सातारा जिल्हा व सत्र न्यायालयापुढे आज शरण आले. तसेच त्यांनी जामीनासाठी अर्ज केला होता. त्यामुळे जिल्हा न्यायालय त्यांच्या अर्जावर काय निर्णय देणार याची उत्सुकता होती. पण, न्यायालयाने त्यांना तात्पुरता जामीन मंजूर केला होता. आज पुन्हा जिल्हा व सत्र न्यायालयात पुढील सुनावणी झाली. यामध्ये न्यायालयाने आमदार गोरेंना जामीन मंजूर करत दिलासा दिला आहे.

स्वातंत्र्याच्या अमृत महोत्सवानिमित्त धुळे जिल्हा सत्र न्यायालय येथे स्वच्छता मोहीम.
धुळे :स्वातंत्र्याच्या अमृत महोत्सवानिमित्त धुळे जिल्हा सत्र न्यायालय येथे स्वच्छता मोहीम.

धुळे - स्वातंत्र्याच्या अमृत महोत्सवानिमित्त धुळे जिल्हा सत्र न्यायालय येथे स्वच्छता मोहीम राबवण्यात आली आहे. सदर ही स्वच्छता मोहीम धुळे जिल्हा व सत्र न्यायाधीश प्रमुख मोहम्मद आर एच यांच्या उपस्थितीत राबविण्यात आले आहे.

यंदा 15 ऑगस्ट 2022 रोजी भारत आपला 75 वा स्वातंत्र्यदिन साजरा करणार आहे. या अमृत महोत्सव वर्षानिमित्त देशात ठिकठिकाणी स्वातंत्र्यमहोत्सवाचा उत्साह पाहायला मिळतोय. धुळे जिल्ह्यात देखील विविध ठिकाणी समाज उपयोगी कार्यक्रम राबविण्यात येत आहे, तर धुळे जिल्हा सत्र न्यायालयाच्या वतीने देखील स्वच्छता मोहीम राबवून स्वातंत्र्याच्या अमृत महोत्सव साजरा करण्यात येत आहे. यावेळी धुळे जिल्हा सत्र न्यायालयाच्या परिसरात न्यायाधीश, वकील, विविध संघटनेचे कर्मचारी यांनी सहभाग नोंदविला होता.

यावेळी जिल्हा व सत्र न्यायाधीश प्रमुख आर एच मोहम्मद, जिल्हा न्यायाधीश १ चे एडी श्री सागर, जिल्हा न्यायाधीश 2 चे एफ एम जे ख्वाजा, जिल्हा न्यायाधीश 3 च्या श्रीमती वायजी देशमुख व cym च्या व्ही व्ही कुलकर्णी व इतर अधिकारी व कर्मचारी यावेळी उपस्थित होते.

ज्ञानदिप संस्थाचे वतीने राष्ट्रध्वज व संविधानाविषयी जनजागृती
सातारा :ज्ञानदिप संस्थाचे वतीने राष्ट्रध्वज व संविधानाविषयी जनजागृती

सांगली- कराड येथील ज्ञानदीप राष्ट्रीय सामाजिक व शैक्षणिक विकास संस्थेच्या वतीने स्वातंत्र्याचा अमृत महोत्सवानिमित्त 'हर घर झेंडा, हर घर संविधान' उपक्रम सुरू करण्यात आला. या उपक्रमांतर्गत तिरंगा ध्वज आणि संविधान प्रास्ताविका वाटप करण्यात येत आहे. यावेळी कराड येथे रोटरी क्लब ऑफ कराडचे आजी-माजी पदाधिकारी यांना संविधान प्रास्ताविकेचे वाटप करण्यात आले.

हर घर झेंडा, हर घर संविधान या संकल्पनेला घेऊन कालवडे, ता. कराड या गावात झेंडा व संविधान प्रस्ताविकेचे वाटप करण्यात आले. यावेळी संस्थेच्या माध्यमातून भारतीय संविधानाचे महत्व सांगून याविषयी जनजागृती करण्यात आली. भारतीय संविधानातील मानवी हक्क व अधिकार, नागरिकांचे कर्तव्य याबाबत प्रबोधन करण्यात आले. यावेळेस उमेद अभियानामधील महिला बचत गटांतील सदस्या, अंगणवाडी सेविका, आरोग्य सेविका, आशासेविका, तसेच गावातील महिला उपस्थित होत्या. लोकांच्या घरी जाऊन त्यांना या दोन्ही गोष्टी देण्यात आल्या आणि समता फेलो मधुराणी थोरात, वैशाली पाटील व प्रतिज्ञा शेटे यांनी संविधान जागृतीची माहिती दिली. गावचे सरपंच व सदस्य यांनी हर घर संविधान या संविधान जागृतीपर संकल्पनेची माहिती घेत गावांमध्ये असलेले विविध कार्यक्रम यामध्ये उपस्थित राहून या संकल्पनेची माहिती द्यावी, अशी भावना व्यक्त केली.

पावसाळ्यात रायगड जिल्ह्यात पक्षांची अनोखी दुनिया बहरली
लाईफस्टाईल :पावसाळ्यात रायगड जिल्ह्यात पक्षांची अनोखी दुनिया बहरली

पाली: सह्याद्रीच्या उत्तुंग रांगा, विपुल वनसंपदा व विस्तीर्ण समुद्र किनारा लाभलेल्या रायगड जिल्ह्यात पावसाळ्यात विविध पक्षांचे दर्शन घडते. त्यामुळे पक्षी अभ्यासक व पक्षी निरीक्षकांना मोठी पर्वणी मिळते. अनेक पक्षांचा हा विणीचा हंगाम सुद्धा आहे. जिल्ह्यात परदेशी तिबोटी खंड्याचे आगमन तर झालेच आहे. त्याबरोबरच जांभळी लिटकुरी, नीलिमा/नीलमणी, सोनपाठी सुतार या बरोबरच पाणथळ जागेत राहणारे टिबुकली, आशियाई मुग्धबलाक, रात-बगळा व मराल आदी पक्षांचे दर्शन होत आहे.

जिल्ह्यात पनवेल जवळ कर्नाळा हे पक्षी अभयारण्य आहे. मुरुड येथे फणसाड अभयारण्य आहे. शिवाय जैवविधेतेने समृद्ध असे १३६ अधिकृत पाणथळ प्रदेश आहेत. ही सर्व पाणथळ क्षेत्रे २.२ हेक्टरपेक्षा अधिक क्षेत्रफळाची आहेत. रायगड जिल्ह्यातील एकूण अधिकृत पाणथळ क्षेत्र १५४७ हेक्टर आहे. पाणथळ प्रदेश नदी, तलाव, सागर किनारे अशा ठिकाणी उथळ पाण्याने झाकलेल्या व अनेकविध प्रकारच्या गवतांनी आणि झुडपांनी भरलेल्या पाणथळ जमिनी आढळतात. यामध्ये धरणे, कृत्रिम तलाव व कालवे, मिठागरे, सांडपाण्याचे तलाव, मत्स्यशेती तलाव, शेततळी, भाताची खाचरे अशा मानवनिर्मित स्थळांचाही समावेश होतो. पाणथळ प्रदेशाचे महत्त्व जैविक विविधतेला जिवंत ठेवण्यात महत्वपूर्ण भूमिका बजावते. आणि येथे आढळणारे बेडूक, खेकडे, शंखशिंपले, मासे, कीटक आदी प्राणी हे या पक्षांचे खाद्य असल्याने येथे विपुल प्रमाणत विविध पक्षी आढळतात. अनेक पक्षी थव्याने बसलेले असतात.

टिबुकली (डॅबचिक) हा पाठीचा भाग भुऱ्या रंगाचा, पोटाकडे रेशमी पांढऱ्या रंगाचा, शेपटी नसलेला, गुबगुबीत असा साधारण कबुतराएवढा (२३ ते २९ सें. मी.) पाणपक्षी आहे. या पक्षाचे नर-मादी एरवी दिसायला सारखेच असतात. मात्र विणीच्या काळात नराच्या डोक्याचा आणि मानेचा रंग गडद तपकिरी होतो. टिबुकली पाण्यात बुडी मारते आणि काही अंतरावर गेल्यावर पाण्यातून पुन्हा बाहेर येते.

जोडीने किंवा लहान थव्यात लहान-मोठ्या तलावांत, भात शेतीचे पाणी, झिलाणीत राहते. टिबुकली हा पान कीटक, बेडूक, अळ्या व इतर छोटे जलचर खाणारा पक्षी आहे. याचे घरटेही पाण्यात तरंगणारे व छोटे असते. ते काटक्यांचे बनलेले असते.

विणीचा हंगाम एप्रिल ते ऑक्टोबर असून टिबुकली मादी एकावेळी ३ ते ५ शुभ्र पांढऱ्या रंगाची अंडी देते. अंडी उबविण्यापासून पिलांच्या संगोपनापर्यंत सर्व कामे नर-मादी मिळून करतात.

आशियाई मुग्धबलाक, घोंगल्या फोडा किंवा उघड्या चोचीचा करकोचा (इंग्रजी: एशियन ओपन बिल किंवा एशियन ओपन बिल स्टॉर्क) हा करकोचा जातीचा पक्षी असून नावाप्रमाणेच याची चोच उघडी असते. चोच बंद केल्यावर याच्या चोचीतील फट स्पष्टपणे दिसते. उघड्या चोचीचा करकोचाच्या चोचीमध्ये अडकित्त्या प्रमाणे फट असते. चोच बंद केली तरी ही फट दिसते. याची शेपटी काळी असते. तसेच उड्डाण पिसे काळी असतात. पाय मळकट गुलाबी रंगाचे असतात. ते विणीच्या हंगामात गडद गुलाबी होतात.

भारतातील हा स्थानिक रहिवासी पक्षी आहे. भातखाचरे, सरोवरे, तळी, खाडया अशा पाणथळ जागेत हा पक्षी वास्तव्यास असतो. जिल्ह्यात हा पक्षी सर्वत्र आढळतो. भातशेती व मिठागरे येथे अधिक दिसतो. पाण्यातील शंख, शिंपल्यातील मृदुकाय प्राणी, बेडूक, खेकडे, गोगलगायी, पाण्यातील कीटक इ. खातो.

रात ढोकरी, रात्रिंचर बगळा, रात बगळा, राजकोक्कू किंवा अंधारी ढोकरी (इंग्लिश:Night Heron) आदी नावांनी हा पक्षी ओळखला जातो. हा आकाराने साधारणतः ढोकरी एवढा असतो. हा कुबडी ढोकरीचा भाऊबंद आहे. याची चोच मजबूत असते. याच्या शरीराचा वरील रंग राखी करडा असतो व पाठ तुकतुकीत काळी असते. शरीराचा खालचा भाग पांढरा असतो तसेच शेंडीच्या टोकाची काही पिसे पांढरी असतात. याचे पंख पिवळसर असून, पंखांवर उदी कड्या असतात. नर मादी दिसायला सारखेच असतात. संध्याकाळ होताच हे पक्षी आकाशातून क्वा... असा आवाज करीत उडतात. जून ते जुलै या काळात यांची वीण होते. झिलानी आणि खाजणीची जंगले तसेच खाड्या आदी ठिकाणी तो आढळतो.

अडई, अरई किंवा मराल तर इंग्लिश मध्ये  Lesser whistling duck) या नावाने हा पक्षी ओळखला जातो. हा पक्षी बदकापेक्षा लहान असतो. हे पक्षी लाल रंग चिला व गाद या वनस्पतीनी भरलेल्या तळ्यात थव्यानी राहतात. हे पक्षी उडताना सी सिक अशी सतत शिळ ऐकू येते. जून ते ऑक्टोबर या काळात वीण करतात. झिलानी, सरोवर, भात शेतीचा प्रदेश येथे आढळतात.

जांभळी लिटकुरी हा पक्षी चिमणीच्या आकाराचा असून नर गडद निळ्या रंगाचा, मानेजवळ आणि छातीवर काळा कंठा, मादी फिक्या निळ्या राखाडी रंगाची, पोटाखालील भाग फिकट पांढरा आणि मानेजवळील व छातीवरील काळ्या कंठ्याचा अभाव असतो. याच्या शेपटीचा आकार अर्धवट उघडलेल्या पंख्याप्रमाणे असतो.

हा पक्षी मध्यम उंचीच्या झाडांपासून ते जमिनीपर्यंत सर्वत्र कीटक शोधत, नेहमी शेपटीचा पंखा हलवत राहणारा असून हा जोडीने किंवा इतर नाचऱ्या (नर्तक) पक्ष्यांसोबत राहतो.

याचा वीण हंगाम साधारणपणे एप्रिल ते ऑगस्ट आहे. याचे घरटे गवत आणि शेवाळे वापरून केलेले लहान आणि खोलगट, झाडाच्या दोन फांद्यांमध्ये व्यवस्थित बांधलेले असते. मादी फिकट गुलाबी रंगाची त्यावर तपकिरी ठिपके असलेली ३ ते ४ अंडी देते.

साधारणपणे चिमणीपेक्षा थोडा लहान आकाराचा (११ ते १२ सें.मी.) हा पक्षी आहे. यातील नर पाठीकडून निळा, पोटाकडे पांढरा, गळा व छातीचा भाग तांबूस, खांद्यावरचा काही भाग आणि भुवया आकाशी रंगाच्या असतात तर मादी नरापेक्षा फिकट रंगाची असते. सतत जागोजागी फिरत राहण्याच्या सवईमुळे या पक्ष्यांना नर्तक पक्षी म्हणूनही ओळखले जाते.

दमट पानगळीची जंगले, सदाहरित जंगले, लहान झुडपी जंगले आणि बांबूच्या जंगलात यांचे वास्तव्य असते. हा पक्षी उडते कीटक खाण्यात पटाईत आहे. मार्च ते ऑगस्ट हा काळ या पक्ष्यांचा वीणीचा काळ आहे. पाने, मूळ, शेवाळे वगैरे वापरून बनविलेले घरटे सहसा बांबूच्या बुंध्यात लपविलेले असते. मादी एकावेळी ३ ते ५ फिकट तपकिरी रंगाची त्यावर तुटक लालसर रेषा असलेली अंडी देते. नर-मादी मिळून पिलांची देखभाल करतात.

सोनपाठी सुतार हा साधारण ३० सें. मी. आकारमानाचा पक्षी असून याच्या पाठीच्या सोनेरी रंगावरून याचे नाव सोनपाठी सुतार असे पडले आहे. याच्या रंग आणि आकारावरून किमान चार उपजाती आहेत. नर सोनपाठी सुताराच्या पाठीचा रंग सोनेरी पिवळा, माथा व तुरा लाल, डोळ्याजवळ काळे-पांढरे पट्टे, फिकट पांढऱ्या रंगाचे पोट व गळ्यापासून पोटाच्या मध्य भागापर्यंत काळे-पांढरे ठिपके असतात. त्याची शेपटी काळ्या रंगाची असते. मादी नरासारखीच असते फक्त रंग थोडे फिके असतात.

सोनपाठी सुतार विरळ आणि झुडपी जंगलात तसेच शेतीजवळच्या प्रदेशात राहतो. जिल्ह्यात पावसाळ्यात भात शेताजवळ तो आढळतो. झाडाच्या सालीत लपलेले कीटक पकडण्यासाठी हा वेगाने झाडाच्या खोडात छिद्र पाडतो. कीटकांशिवाय मध आणि पिकलेली फळेही सोनपाठी सुताराला आवडतात. हा उडतांना बहुतेक वेळा कर्कश आवाजात ओरडतो आणि यावरून सोनपाठी सुताराला जंगलात सहजपणे शोधता येते.

मार्च ते ऑगस्ट हा सोनपाठी सुताराचा वीण हंगाम असून याचे घरटे जमिनीपासून २ ते १० मी. उंच झाडाच्या ढोलीत असते. मादी एकावेळी २ ते ३ चमकदार पांढऱ्या रंगाची अंडी देते. सोनपाठी सुतार नर आणि मादी मिळून पिलांची देखभाल करतात.

समृद्ध जैवविविधता, मुबलक खाद्य, अनुकूल हवामान यामुळे जिल्ह्यात विविध प्रकारचे पक्षी आढळतात. पावसाळ्यात तर पक्षी निरीक्षणाची पर्वणी असते. विवीध ठिकाणचे पक्षी निरीक्षक येथे पक्षी निरीक्षणासाठी येतात. 

राम मुंडे, पक्षी अभ्यासक व पक्षी निरीक्षक

Latest News
news img

केंद्रिय मंत्री प्रतिक पाटील यांच्या भगिनी डॉ. मधु पाटील यांचे निधन

news img

नेणवली शाळेत सैनिक आपल्या भेटीला उपक्रम; विद्यार्थ्यांनी साधला संवाद

मसुर मध्ये तिरंगा रॅली

वातावरणीय बदलांमुळे आजार बळावले, सर्दी, ताप, खोकला, अंगदुखी, पोटदुखीने नागरिक त्रस्त

news img

देवळाली भुसावळ पॅसेंजर सुरू करण्याच्या निर्णयाचे स्वागत पण वेळ पूर्वीचाच ठेवावा.

Most Viewed
news img

पिंपळवाडीत युवकाचा खून ! मित्रांनीच काढला काटा ?

news img

डिसले गुरूजींचे धक्कादायक सत्य आले समोर

news img

शिष्यवृत्तीसाठी आता अखेरचे ३ दिवस ३१ जानेवारीपर्यंत अखेरची मुदत

news img

एस.टी.विना बारावी परीक्षा देणाऱ्या विदयार्थ्यांचे हाल

news img

नगर शहरातील अजब रस्त्यांची गजब गोष्ट !

पिंपळवाडीत युवकाचा खून ! मित्रांनीच काढला काटा ?
पिंपळवाडीत युवकाचा खून ! मित्रांनीच काढला काटा ?
डिसले गुरूजींचे धक्कादायक सत्य आले समोर
डिसले गुरूजींचे धक्कादायक सत्य आले समोर
शिष्यवृत्तीसाठी आता अखेरचे ३ दिवस 
३१ जानेवारीपर्यंत अखेरची मुदत
शिष्यवृत्तीसाठी आता अखेरचे ३ दिवस ३१ जानेवारीपर्यंत अखेरची मुदत
एस.टी.विना बारावी परीक्षा देणाऱ्या विदयार्थ्यांचे हाल
एस.टी.विना बारावी परीक्षा देणाऱ्या विदयार्थ्यांचे हाल
नगर शहरातील अजब रस्त्यांची गजब गोष्ट !
नगर शहरातील अजब रस्त्यांची गजब गोष्ट !

महाराष्ट्र

विनायक मेटेंचे अपघातात निधन; उदयनराजे रूग्णालयात
:विनायक मेटेंचे अपघातात निधन; उदयनराजे रूग्णालयात
आ.जयकुमार गोरेंना जामीन मंजुर
:आ.जयकुमार गोरेंना जामीन मंजुर
:मसुर मध्ये तिरंगा रॅली
:वातावरणीय बदलांमुळे आजार बळावले, सर्दी, ताप, खोकला, अंगदुखी, पोटदुखीने नागरिक त्रस्त

Loading...